Fréttir

Samfélagssjóður Alcoa í Bandaríkjunum veitti Hjálparstarfi kirkjunnar 50.000 dollara styrk í dag, 20. desember. Styrkurinn, sem nemur tæplega 6 milljónum íslenskra króna, er ætlaður til aðstoðar einstaklingum og fjölskyldum hér innanlands.

Milljónasta tonnið var framleitt í álveri Alcoa Fjarðaáls í Reyðarfirði í vikunni, en framleiðsla hófst í álverinu  í apríl 2007. Verðmæti milljón tonna af áli eru um 265 milljarðar króna miðað við álverð á markaði og gengi dollarans nú, en verðmæti útfluttra afurða frá Fjarðaáli frá upphafi nemur um 260 milljörðum króna.

Síðasta föstudag fyrir jól gera KOMverjar sér glaðan dag og bjóða nánustu samstarfsaðilum sínum á jólahlaðborð á Grand Hótel.

Jólunum er þjappað saman í 160 stafi í nýju jólablaði Víförla, fréttabréfi Þjóðkirkjunnar. Nokkrir einstaklingar fengu það verkefni að draga saman boðskap jólanna og sína upplifun af hátíðinni í anda smáskilaboða

Styrktarherferð Papco, stærsta íslenska framleiðanda á hreinlætispappír nú í aðdraganda jólanna er kölluð „Taktu þátt í að gefa gjöf". Ein rúlla af hverri seldri pakkningu af hreinlætispappír í jólaumbúðum frá Papco rennur til góðgerðarmála

Á fjórða tug manna mættu á árlegan kynningarfund Fjarðaáls þriðjudaginn 7. desember síðastliðinn. Íbúum Fjarðabyggðar og nágrannasveitarfélaga álversins var boðið til fundarins þar sem Fjarðaál kynnti starfsemi sína og fulltrúar fyrirtækisins og verktaka á álverslóðinni svöruðu spurningum fundarmanna.

Í nýgerðri könnun, sem KOM almannatengsl gerðu meðal áskrifenda að INB, sögðust 98% svarenda vera mjög ánægðir með fréttabréfið og að það auðveldaði þeim að skilja íslensk málefni.

Jóladagatal kirkjunnar nú á aðventunni ber yfirskriftina „Að vænta vonar". Á bak við gluggana er að finna 24 vonarbera sem hvetja okkur áfram í dagsins önn.

Tveir kórar, Selkórinn og Vox Academica, hófu hvor um sig æfingar snemma í haust á hinni frægu óratoríu Messías eftir Georg Friðrik Handel. Þegar kórarnir fréttu hvor af öðrum ákváðu þeir að sameinast um flutninginn og flytja verkið tvisvar sinnum nú í byrjun desember.

Nýverið hlaut prentsmiðjan Svansprent ehf. í Kópavogi hið virta norræna umhverfismerki Svaninn sem er þekktasta umhverfisvirðurkenning Norðurlandanna.