Fréttir

Tómas Már Sigurðsson, forstjóri Alcoa Fjarðaáls, mun taka við sem forstjóri Alcoa í Evrópu með aðsetur í Genf þann 1. janúar næstkomandi.

Í rúm sautján ár hafa KOM almannatengsl gefið út enska fréttabréfið Iceland News Briefs (INB) fyrir þá sem ekki lesa íslensku en þurfa að fylgjast með fréttum á Íslandi.

Fólk, lamað fyrir neðan mitti vegna mænuskaða, hefur öðlast möguleika á að ganga á ný með hjálp gönguþjarka sem er þróaður og framleiddur hjá bandaríska hátæknifyrirtækinu Ekso Bionics. Búnaðurinn var kynntur fyrir fötluðum og fjölmiðlum í Hörpu, fimmtudaginn 8. desember

Vegna gríðarlegs samdráttar í sölu sements síðustu ár og mikillar óvissu um stöðu byggingariðnaðarins næstu misseri hefur Sementsverksmiðjan á Akranesi ákveðið að hætta sementsframleiðslu ef aðstæður breytst ekki verulega á næstu tveimur árum.

Bandaríska flugfélagið Delta Air Lines tilkynnti í dag, mánudaginn 21. nóvember, að það myndi hefja á ný sumaráætlunarflug milli Keflavíkurflugvallar og John F. Kennedy-flugvallar í New York 2. júni 2012

„Það er óhætt að segja að koma Bandaríkjamanna til landsins í júlí 1941 og upphaf stjórnmálasambandsins sem þá hófst, hafi haft víðtæk og varanleg áhrif á íslenskt þjóðfélag.“ Svo segir Einar Benediktsson, fyrrum sendiherra Íslands í Washington  í blaðinu Ísland og Bandaríkin – 70 ára menningar- og viðskiptasaga, sem dreift var með Morgunblaðinu 12. nóvember síðastliðinn.

Síðara tölublað ársins af Hrafnistubréfinu kom út nýverið. Í blaðinu eru m.a. viðtöl við hjónin Einar Sigurðsson og Freyju Sigurðardóttur, sem búa í þjónustuíbúð við Hrafnistu í Hafnarfirði og Þórarin M. Friðjónsson á Hrafnistu í Reykjavík

Nýverið tók KOM að sér að senda alþjóðlega fréttatilkynningu fyrir Orkustofnun um annað útboð á sérleyfum til rannsókna og vinnslu kolvetnis á Drekasvæðinu þar sem líkur eru á að olía og gas finnist.

Nýlega lauk framkvæmdum iðnaðarmanna við nýjan inngang og stórglæsilegt anddyri hjá Hrafnistu í Reykjavík, stærsta öldrunarheimili landsins. Kostnaður við breytingar anddyrisins nemur rúmum 100 milljónum króna og voru þær fjármagnaðar með framlagi frá Happdrætti DAS og Framkvæmdasjóði aldraðra