Fréttir

Heimilisfólk á Hrafnistuheimilunum fengu Hranfistubréfið á aðventunni. Í blaðinu eru fróðlega og skemmtileg viðtöl við íbúa Hrafnistuheimilanna sem sannarlega muna tímanna tvenna.

Hrafnistubréfið er að öllu leyti unnið af KOM og það kemur út tvisvar sinnum á ári, fyrir Sjómannadaginn og fyrir jól.

Forsíðumynd Hrafnistubréfsins er af styttu sem stendur í miðbæ Eskifjarðar og er eftir danska listamanninn Age Nielsen Edwin. Styttan var afhjúpuð árið 1981. Á stöpli styttunnar stendur: „Til minningar um drukknaða sjómenn frá Eskifirði.”

Hreinn Magnússon ljósmyndari tók forsíðumyndina, en hefð er fyrir því að minnismerki um sjómenn prýði forsíðu Hrafnistubréfsins.

Hrafnistuheimilin eru fjögur, Hrafnista í Reykjavík og Hafnarfirði, sem Sjómannadagsráð byggði og rekur, en að auki rekur Sjómannadagsráð hjúkrunarheimili fyrir aldraða á Víðinesi og Vífilsstöðum.