Fréttir

Nýverið aðstoðuð ráðgjafar KOM almannatengsl Lífeyrissjóð verslunarmanna (LV) við fjölmiðlun og fréttaflutning frá aðalfundi sjóðsins fyrir árið 2009. Um eða yfir 200 sjóðsfélagar sátu fundinn. Virkir sjóðfélagar í LV eru rúmlega 32 þúsund en tæplega 48 þúsund greiddu eitthvað til sjóðsins árið 2009. Um 127 þúsund sjóðfélagar eiga réttindi hjá sjóðnum og um 9300 félagar fengu greiddan lífeyri frá LV á síðasta ári. Lífeyrissjóður verzlunarmanna er mjög mikilvægur í íslensku samfélagi því alls eiga um 136.000 manns hagsmuna og réttinda að gæta í LV.

Raunávöxtun Lífeyrissjóðs verzlunarmanna (LV) var jákvæð um 1,1% á síðasta ári og eignir sjóðsins nema nú tæpum 300 milljörðum og eru nú um 30 milljörðum króna hærri en þær voru fyrir hrun bankanna og íslenska efnahagskerfisins. Eignir LV eru um 16% af heildareignum íslenskra lífeyrissjóða. Þetta kom fram á ársfndinum LV sem haldinn var á Grand Hótel Reykjavík í dag, mánudaginn 17. maí 2010.

Það voru ráðgjafarnir Róbert Róbertsson og Jón Hákon Magnússon sem aðstoðuðu LV við fjölmiðlunina fundardaginn.